Historical archive — Partido Frente Obrero is no longer an active political party.
Frente Obrero LiberashonFrente Obrero

Archivo · Hitos

Hitos di Partido Frente Obrero

Un bishon kompleto i detayá di tur momento históriko di partido — for di e fundashon na 1969 te awe.

Salta na aña:

30 di Mei 19695 di Yüli 196917 di Yüli 19695 di Sèptèmber 196925 di Aprel 197529 di Ougùstùs 19751979 — 19891990 — 199219911998 — 200120019 di Mei 200310 di Òktober 20102010 — 20122016

  1. 30 di Mei 1969

    Revolushon di 30 di Mei

    E represhon polítika, deterioro sosial i stankamentu ekonómiko bou di e gobièrnu Demokraat ta kulminá den e Revolushon di 30 di Mei. E akontesimentu aki ta sembra e simiya pa lantamentu di Partido Frente Obrero.

  2. 5 di Yüli 1969

    Lantamentu di Partido Frente Obrero

    Partido Frente Obrero Liberashon 30 di Mei ta ser fundá pa Willy Haize, Benjamin (Shon Benchi) Weefer, Benny Leito, Amador Poulo Nita, Elias Magdalena Bronswinkel i otronan. Wilson 'Papa' Godett ta bira lider polítiko vitalisio.

  3. 17 di Yüli 1969

    491 firma den un dia

    Partido ta logra rekohé 491 firma + 25 èkstra den un solo dia pa por partisipá na e elekshon. Pa tres'or di atardi e 491 promé, pa seis'or e 25 èkstra.

  4. 5 di Sèptèmber 1969

    Promé Elekshon — 3 Asiento

    Den e promé elekshon Staten di Antia, Frente Obrero ta saka 12.338 voto i 3 asiento (25% di e 12 disponibel). Wilson Godett, Stanley Brown i Amador Nita ta drenta Staten huntu ku Nicolaas 'Cola' Debrot.

  5. 25 di Aprel 1975

    Pikomáksimo: 8 Asiento Konseho Insular

    Frente Obrero ta saka 24.299 voto i 8 asiento na elekshon di Konseho Insular. Papa Godett su rekord personal di 17.504 voto. Don Martina (3.425 voto) i Reintje Martina drenta lista.

  6. 29 di Ougùstùs 1975

    Wilson Godett ta bira Minister

    Papa Godett ta sirbi komo Minister di 29/08/1975 te 14/10/1977. Don Martina ta Diputado den e mesun periodo.

  7. 1979 — 1989

    Añanan di Reto

    Despues di e ihtu di 1975, partido ta pèrdè representashon na elekshon di 1979 i 1982 di Staten. Bou di Papa Godett, partido ta mantené presensia den Konseho Insular i ta bolbe Staten na 1985.

  8. 1990 — 1992

    Kombinashon FOL/SI

    Frente Obrero ta forma e kombinashon FOL/SI ku ta saka 16.314 voto i 3 asiento Staten (1990) i 16.592 voto i 5 asiento Konseho Insular (1991). Stanley Inderson ta bira Minister.

  9. 1991

    Anthony Godett ta tuma liderato

    Anthony A. 'Nini' Godett ta bira e di dos lider polítiko di partido, kontinuando e legado di su tata Papa Godett.

  10. 1998 — 2001

    Bèk den Gobernashon

    Maurice Adriaëns ta sirbi komo Minister 1998–2001. Anthony Godett ta Diputado (1999–2001). Ensley Bulo ta Sekretario di Estado i Minister di Tráfiko.

  11. 2001

    Sede propio na Winston Churchillweg

    For di 2001 partido tin su propio sede na Winston Churchillweg #102. Promé sedenan: Plan Molina, Heerenstraat, Mercadi Libre (Noord Rozendaal #9), Velpstraat #17, Roodeweg #116, Winston Churchillweg #157.

  12. 9 di Mei 2003

    Pikomáksimo Histórico — 8 Asiento i Gobernashon

    Frente Obrero ta saka 22.745 voto i 8 asiento na Konseho Insular. Anthony Godett ta saka 19.462 voto personal — e rekord di partido. Ben Komproe ta promé Minister Presidènt (yüli–ougùstùs 2003), seguí pa Mirna Louisa-Godett (2003–2004).

  13. 10 di Òktober 2010

    Kòrsou Pais Outónomo

    Despues di tres referèndem, Kòrsou ta bira pais outónomo i ta atendé su propio asuntunan. Frente Obrero a partisipá aktivamente den e proseso konstitushonal.

  14. 2010 — 2012

    Periodo di Re-konstrukshon

    Partido ta pèrdè representashon na elekshonnan di 2010 (Staten) i 2012 (Staten di Kòrsou) bou di liderato di Anthony Godett. Dominique Adriaëns ta Minister Tráfiko i Komunikashon den 2012.

  15. 2016

    Manifesto 2016–2020

    Partido ta presentá su Manifesto 2016–2020 ku enfasis riba kasnan na Wechi, desaroyo di Ostpunt, sueldo mínimo, ònderstant i penshun di behes konforme medio di eksistensia. Lema: 'Ta yama tur yu pa bini kas bèk!'

← Bèk na Archivo