Manifesto di Partido Frente Obrero

Partido Frente Obrero ta boga pa:

• Mas atenshon pa e hende
• Repartishon hustu di bienes
• Re-ahustá kuido sosial
• Un mihó aserkamentu pa bario
• Kontrolá i strukturá finansa públiko
• Impulsá ekonomia
• Kumpli ku e derecho riba trabou
• Un mihó salubridat pa tur hende
• Klaridat i stabilidat den enseñansa
• Deporte, arte, kultura i siensia haña un lugá meresí

Partido Frente Obrero tin e fuerte konvikshon ku tin sufisiente kapasidat, inventividat, kreatividat i determinashon den e pueblo aki, pa rekonsiliá, pa uni i pa drecha asuntunan ku ta robes.

Partido Frente Obrero, segun su statuto i deklarashon di prinsipio, ta boga pa un desaroyo di konvivensia sosial i demokrátiko. Tur sektor i gremio mester funshoná a base di Hustisia Sosial.

• Sali na vanguardia di Bario i e Famia
• Promové Hustisia Sosial i Bienestar
• Tin kompromiso ku igualdat sosial
• Krea kupo di trabou i salario igual pa trabou igual
• Vigilá stabilidat di preisnan
• Sòru pa distribushon hustu di loke Kòrsou ta produsí

Partido Frente Obrero su ideologia ta Sosial Demókrata. E partido ta sigui lucha pa reforma sosial na interes di komunidat — partikularmente esnan pober — atraves di medionan pasífiko i demokrátiko.

1. Rechasá tur klase di diskriminashon a base di rasa, kredo, nashonalidat, sekso òf pais di orígen
2. Luchá pa oportunidat igual pa un i tur
3. Bringa pa e siudadano atkerí su derecho pero tambe pa e kumpli ku su deber
4. Kombatí desigualdat
5. Sòru pa un mihó repartishon di bienes pa e siudadano
6. Kombatí pobresa ku tur forsa na su alkanse

1. Baha % di impuesto riba volúmen di benta (OB)
2. Aktualisá i modernisá Lei di Elekshon — transparente, a-polítiko i konfiabel
3. Limitá ganashinan di kompanianan di gobièrnu (non-profit)
4. Awa pa tur bario, awa pa tur kas
5. Introdusí un Lei pa legalisá funshonamentu di agensianan di trabou (Uitzendbureaus)
6. Fortalesé Bon Gobernashon
7. Fortalesé relashon entre partnernan den Reino — basá riba rèspèt i liderato firme
8. WECHI — kuminsá traha kas pa pueblo
9. Instalá bòrchinan di bùs ku dak i iluminashon
10. Marka kamindanan pa mihó visibilidat pa shofùr
11. Aselerá proseso pa bende kasnan di FKP
12. Duna sosten na Empresanan Chikí i Mediano
13. Lanta un büró pa asuntunan energétiko
14. Modernisá i restrukturá Transporte Públiko
15. Eliminá VISA pa Repúblika Dominikana, Jamaica i Haiti
16. Sigui traha riba alfabetisashon
17. Sostené Hubentut Uniformá (Scouting)
18. Kòrsou mester haña su Teatro Nashonal
19. Guardia di Honor 24/7 riba Plasa Pedro Luis Brion
20. Pusha kresementu di e sektor agríkola
21. Salú mental komo prioridat den kuríkulo di skol
22. Mihó akseso na servisionan di salú mental
23. Pone panela di solo riba tur panaderia i tur kancha deportivo
24. Krea trabou i fasilitá invershon
25. Konkretisá desaroyo di Ostpùnt
26. Bringa korupshon riba tur nivel
27. Brantwer i prevenshon di katástrofe pa Bándabou
28. Fortifiká maneho pa personanan ku limitashon físiko
29. Revisá E.O.P. (Eilandelijk Ontwikkelingsplan)
30. Kòrta periodo di espera pa bishitá spesialista

1. Kasnan pagabel pa famianan denter di 10 aña
2. Pone yunan di Kòrsou na promé lugá pa okupá posishonnan importante
3. Skol agríkola
4. Korte Laboral
5. Legalisá mariwana pa uso di medisina
6. Macrobudgettering den salú públiko
7. Fleksibilisá Merkado di Kapital
8. Evaluá produkshon i rendimentu (Cost/Benefit) di CTB
9. Lanta un kompania di tereno (grondbedrijf)
10. Fiansa mas atraktivo i barata pa studiantenan
11. Alkansá 8% di kresementu ekonómiko
12. Krea kuenta di banko pa tur hende
13. Hasi Willemstad un zona franca
14. Promové mas tantu eco-turismo
15. Referèndem konsultativo riba desishonnan ku ta afektá pueblo

1. Westpunt, banda di Willemstad, mester bira e di dos kapital di Kòrsou
2. Instalá mulinanan di bientu na Watamula

Partido Frente Obrero ke (sigui) inspirá e hende. Ke pa e hende mir’é, skuch’é i bisa ku, dor di ta inspirá pa e lucha di partido, e ta disidí pa NO entregá. E hende ta determiná pa sigui e lucha di Tula, Felix Chakuto, Wilson Papa Godett, Amador Poulo Nita i awor Anthony A. Godett.

Ban p’e — ban p’e avansé — ban p’e kos sigur!